शोक विज्ञप्ती

हिजो जेन–जी आन्दोलनका क्रममा घटेको दुःखद घटनामा निर्दोष बालबालिका तथा युवाहरुले अमूल्य जीवन गुमाउनु परेको हृदयविदारक समाचारप्रति मानव तथा राष्ट्रिय विकास समाज (ह्यान्ड्स नेपाल) अत्यन्त शोकाकुल बनेको छ । यस घटनाप्रति हामी गहिरो दुःख व्यक्त गर्दछौं । ह्यान्ड्स नेपाल दिवंगत आत्माहरुप्रति हार्दिक श्रद्धाञ्जली अर्पण गर्दै चिरशान्तिको कामना गर्दछ । साथै, शोकसन्तप्त परिवारजनप्रति हार्दिक समवेदना प्रकट गर्दै यो कठिन घडीमा धैर्य, साहस र मानसिक शक्ति प्राप्त होस् भन्ने प्रार्थना गर्दछ । यस प्रकारका घटनाले सम्पूर्ण समाजलाई स्तब्ध बनाउनुका साथै शान्ति, सुरक्षा र सामाजिक सद्भाव कायम राख्न गम्भीरतापूर्वक सोच्न बाध्य बनाएको छ । हामी यस्ता दुःखद घटना पुनः नदोहोरियोस् भन्ने गहिरो अपेक्षा गर्दछौं र समुदायमा सहिष्णुता, आपसी सहयोग र ऐक्यबद्धता मजबुत पार्दै अघि बढ्न सबैलाई आह्वान गर्दछौं । यस सन्दर्भमा, हामी सम्पूर्ण नागरिक, स्थानीय निकाय, सरकार तथा सरोकारवालाहरुलाई पीडित परिवारजनलाई आवश्यक सहयोग र सहजीकरण प्रदान गर्न, र शान्तिपूर्ण समाज निर्माणमा सक्रिय भूमिका निर्वाह गर्न विशेष आग्रह गर्दछौं । अध्यक्ष वासुदेव अधिकारी